तक गाउँ लुगुमको उत्तरमा पर्दछ | बुढा मगरहरु यो गाउँका मुख्य बासिन्दा हुन् भने थोरै घर्ति मगर र केहि गुरुङहरु पनि यो गाउँमा छन् | (पछाडी तिर बाच्छीगाउँ) 

उपल्लो सेरा गाउँ पनि लुगुमको उत्तरमा पर्दछ | यो गाउँमा प्राय गरेर बुढा मगर र घर्ति मगरहरु छन् | 

उपल्लो सेरा र तल्लो सेरा गाउँको दृश्य | माथि (टाडाको) उपल्लो सेरा तथा तल (नजिकको) तल्लो सेरा गाउँ | 

कोल गाउँ चाँही लुगुमको उत्तर पश्चिम दिशातिर पर्दछ | यो गाउँमा मुख्य गरेर बुढा मगर र पुन मगरहरु बस्दछन |

गर्खानी गाउँ दुई वटा स-साना गाउँहरु मिलेर बनेको छ र यो गाउँ लुगुमको उत्तर पश्चिममा अवस्थित छ | गर्खानी गाउँमा पुन मगर र बुढा मगरहरुको बस्ति छ |

काँक्रि गाउँ लुगुमको पश्चिममा अवस्थित छ | यो गाउँ बुढा डेरा र पुन डेरा गरि दुई वटा गाउँहरु मिलेर बनेको छ | यो गाउँमा बुढा मगर र पुन मगरहरुको बस्ति छ | पारी पट्टिको बुढा डेरा र वारी पट्टिको पुन डेरा | 

थबाङ गाउँ रोल्पा जिल्लामा पर्दछ र यो गाउँ लुगुमको दक्षिणमा अवस्थित छ | यो गाउँ रोका मगर, बुढा मगर र घर्ति मगरहरु मिलेर बनेको छ | थबाङ गाउँ माओबादीको उदगम् थलो हो, जहाँबाट माओबादीको उदय भई १० बर्षको जन युद्ध सफलता पुर्बक संचालन गरे |

उवा गाउँ पनि रोल्पा जिल्लामा पर्दछ र यो गाउँ लुगुमको दक्षिणमा पर्दछ | यो गाउँमा रोका मगर, बुढा मगर र घर्ति मगरहरु बसोबास गर्दछन |

निसी र भल्कोट गाउँ लुगुमको पूर्वमा अवस्थित छन् र यी दुवै गाउँहरु बाग्लुङ्ग जिल्लामा पर्दछन | घर्ति मगर र पुन मगरहरु यी गाउँका मुख्य बासिन्दा हुन् |